Эрчүүдийн нүд унам сайхан өгзөгтэй болъё гэвэл:
Өгзөгөө та хэрхэн богино хугацаанд чанга, сойчихсон мэт болгох нууцыг задалъя. Yүний
тулд та заавал спорт заланд, тусгай аппаратын тусламжтай үр дүнд хүрнэ
гэж бодох хэрэггүй. Гэртээ, ажил дээрээ завтай үедээ хийж болохоор
дасгал бий. Цайны цагаар ч юм уу, ариун цэврийн өрөөнд орох үедээ хөлөө
ээлжлэн хойш савж занш. Хойшоо аль болох өндөр гаргах тусам төдий
чинээгээр өгзөг чангарч, сойгдоно. Харин өвдгөө нугалах юм бол ачаалал
өгзөгт биш гуянд ирнэ гэдгийг анхаараарай. Энэ дасгалыг өдөрт хэдэн ч
удаа хийж болно. Санасан цагтаа тогтмол хийгээд байхад өгзөг чинь
аяндаа тонтгор, зөв хэлбэртэй болоод ирнэ шүү. Мөн ном уншин, зурагт
үзэж хажуулах зуураа түрүүлгээ харж хэвтээд хөлөө хойш нь өргөж таван
секунд орчим барьж байгаад аажим буулгаарай. Энэ дасгалыг нэг удаад
хоёр хөлдөө тус бүр арав арван удаа хийгээрэй.
Мөн бүсгүйчүүддээ сануулахад сайхан өгзөгтэй харагдъя гэвэл:
1. Таараагүй дотуур хувцас, ялангуяа дотуур өмд
битгий өмс. Мөн хэт их тор, дэндүү онцгой хээтэй тор, үдээс, резин
ихтэй дотуур өмд болж өгвөл битгий өмсөөрэй.
2. Дотуур хувцасныхаа өнгөнд онцгой анхаарах нь
чухал. Ялангуяа цагаан, нимгэн торгомсог, гэрэлтдэг хувцасны дотор
өмссөн дотуур өмд бүсгүй хүний нямбай байдал, гоо сайхны мэдрэмжийн
дуран л гэсэн үг. Болж өгвөл нэг их анхаарал татахааргүй даруухан өнгө
загвартайг сонгох нь зөв. Тэхгүй бол энд өгүүлсэн бүхэн таны өгзөгний
бүх л сул талуудыг илрүүлж орхино.
3. Өндөр өсгийтэй гутал эмэгтэй хүний алхааг
жигдрүүлж, доод биеийн бүх булчин, өгзөг хонгыг чангалж өгдөг сайн
талтай. Гэхдээ судсаа өргөсгөтөл өндөр гутал өмс гэсэн үг биш шүү.
Тохирсон, бололцооны өндөр өсгийтэй гутал өмсч байх нь өгзгийг өргөж,
гуя хонгыг уртасгаж цэвэрхэн, гоолиг харагдуулдаг.
|
Нүүр хуудас 
