 Хорхой хүрэм уруултай болъё гэвэл ...
Уруулын будаг бусад косметикийн хэрэглэлийн нэгэн адил нүүр царайг
гэгээтэй, улам үзэсгэлэнтэй сайхан харагдахад чухал нөлөө үзүүлдэг.
Хорхой хүрэм хурц, бумбагар уруул үеийн үед эмэгтэй хүний бусдыг
байлдан дагуулах зэвсэг байсаар ирсэн. Гэвч энэхүү бяцхан гайхамшигийн
арьс маш нимгэн, зөөлөн тул салхи, хүйтэн, нарны элдэв туяанд хялбархан
гэмтдэг. Түүнчлэн чанаргүй косметик, витамины дутагдлаас болж хуурайшин
ширүүсч хагарч бэлцийдэг. Энэ бүхнээс хэрхэн урьдчилан сэргийлж,
учирсан бэрхшээлийг хэрхэн давах вэ?
- Гэртээ ирээд уруулын будгаа аль болох шууд цэвэрлэн авах хэрэгтэй.
Ингэхдээ эхлээд уруулаа салфеткаар чийглэж, дараа нь сүүн шингэн болон
ургамлын тосоор чийглэсэн хөвөнгөөр зөөлөн арчиж авна.
- Өдөр бүр нэг минутын туршид урууландаа шүдний сойзоор массаж
хийж бай. Сойзоо буцалсан хүйтэн усаар чийглэж өгөх хэрэгтэй. Сойзоор
массаж хийхэд уруулын уян зөөлөн байдал хадгалагдахаас гадна үхэжсэн
арьсыг гуужуулна.
- Долоо хоногт нэг удаа пилинг хийж бай. Хогжруулалтын эсрэг
тосыг урууландаа түрхэж хэдэн минут байлгасны дараагаар зөөлөрч
хөндийрсөн арьсыг шүдний сойзоор хөнгөн үрж авна. Дараа нь эмчилгээний
зориулалттай болон А витаминаар баялаг, тослог ихтэй крем түрхэх
хэрэгтэй.
- Долоо хоногт хэд хэдэн удаа жимсэн буюу тарган маск тавьж
бай. Маскийг 7-10 минут байлгасны дараагаар чийгтэй марлиар арчиж авна.
Маскийг зөгийн бал, ургамлын болон өргөст хэмх, нимбэг, луувангийн сок
зэргээр сөөлжүүлэн тавьж болно.
- Витамин В2-р баялаг бүтээгдэхүүнүүд болох тослог хоормог,
өндөг, тахианы мах, загас, ногоон зэргийг тогтмол хэрэглэх. Эдгээр нь
витамины дутагдлыг арилгаж урьдчилан сэргийлэх болно.
- Бумбагар булцгар уруултай байхын тулд шингэнийг их хэмжээгээр хэрэглэх хэрэгтэй.
- Гадагш гарахдаа үргэлж будаг, харандаа хэрэглэж байгаарай.
|
Нүүр хуудас 